ليه
ليه
سايب الحزن يكسرلي ضهري
والهم ينزع روحي مني
والدموع بقت رفيقي
ليه
بقيت محبوس في سجن خوفي
ماليش طبيب يداوي جروحي
والشماته من حبيبي قبل عدوي
ليه
شمع عمري قدام عنيه بينطفئ
والحياه بشوكها وأنينها قصتي
وذكريات الحلوه فيها بقيت غربتي
ليه
ليل ظلامي عاشق كلامي
والنهار غاب عن حياتي
وضوء الفجر طال انتظاري
ليه
الشيطان سيبه يلاعبني
في سجن الغربه حابسني
وعن الفرحه بعدني
ليه
سامحني ربي انا عبدك
مافيش غيرك
اناجي ، يمسح لي دمعي
اناجي ، يمسح لي دمعي
اشكيله همي
يحزن لحالي ويخفف الامي
الحنان ألقاه في حضنك
والسلام القاه بقربك
والهدوء والسكينة برده عندك
انا جيت من حياتي الحزينه
تحت رجلك
ابكي واحكي وافشي
سري ألاقي حبك
بحنوه وحنانه
راح يقولي
ليه تخاف
من الشيطان وهم السنين
مايقدروش يهزموك
مايقدروش يكسروك
طول م انت في حضن أبوك
طول م انت في حضن أبوك
انا تملي عيني عليك
علي يدي نقشتك
وانت في البطن صورتك
مها طال ليل الظلام
واحزانه انا شايفك
انا سمعك .انا حاسس بظلمك
انا برحمتي علي ذنوبك اسامحك
وعلي ظلم السنين اعوض و اكافئك
متخافش يا ابني انا ربك
متخافش يا ابني انا بحبك
متخافش يا ابني مش لوحدك
انا طول العمر جنبك
......fady.....
تعليقات
إرسال تعليق