حياتي
 |
| كارين |
بنتي كوكي نبض حياتي
قلبي روحي ذكرياتي
نظره عينها تنور طريقي
لما الآلام تزيد أهاتي
زي القمر يضئ الليالي
لما الظلام يسود كياني
بشوف الربيع منها نسيمي
ريحه الورد تعطر سنيني
تفوح من كلامها عند كلامي
هي حناني .... حصني و أماني
و لما أغيب ....
عن حبيبة حياتي
تفضل تسأل وبدموعها تنادي
طال غيابك عني يا غالي
بابا حبيبي مالك بعيد
عني تغيب واحشني تعالي
بحبك ياكوكي يا نبع الحنان
بشوف بعنيكي جمال الزمان
شوقك وقربك بيهز الكيان
يخفف عني جرح السنين
جرح القريب قبل الغريب
حنان امي بشوفه في طبعك
عند البرد .... بحضنك تدفي
عند المرض .... بلاقي طبيبي
وعند الوحده .. بلاقي ونيسي
لما اتوه .... بلاقي دليلي
بخاف عليك لما نسيم يجرح مشاعرك
ولما دموعك تسيل علي خدك
ألاقي دموعي بتجري
بسرعه تشارك دموعك
واقول لحبيبي ليه البكاء يا قلب ابوكي
ما عاش اللي يخلي حبيبي حزين
بادعي واصلي يطول.. في عمري
علشان اشوفك عروسه زماني
نجوم تلألأ سماء احلامي
ولو الموت اخدني قبل حلمي
بصي فوق .... فوق للسماء
تلقي عيني تملي عليكي
تلقي عيني تملي عليكي
وقلبي يرسم بسمه ليكي اوعي علي فراقي تزعلي
او تحزني
علشان دموعك عليا غاليه اوي
وصدقي في كل يوم جديد
حبي ليكي ياحياتي عمال يزيد
حبي ليكي ياحياتي عمال يزيد
ووجودي أو مماتي مش يفرق
مع الحبيب
ما انتي في قلبي حتي لوكنت بجسدي بعيد
روحي ترفرف حواليكي
وتراعيكي يا أعز حبيب
بقلم.. فادي عبدالكريم زكي
تعليقات
إرسال تعليق