حلم الطفولة
حلم الطفولة
الحياه حلم طويل مرسوم
بألوان الطيف الجميل
كل لون بالف حكايه تفوق الخيال
اجمل ما فيها حلمنا واحنا لسه صغار أطفال
كنا نحسب لو مدينا ايدينا نلمس السحاب
وان الشمس بتنام بالليل والقمر يكون سهران
وان الحياه لبس جديد يوم العيد ولعب العيال
كنا نحسب ان قلوب كل البشر فيها حنان
وان الكل بياكل مافيش حد بينام جعان
وان المرض شويه برد و زكام
وان الفلوس مهمه علشان
بتجيب شيكولاته ولبان
وتخلينا نصيف في راس البر أسبوع بالتمام
بلمه العيله ، الفرحه تكمل وتفوق كل الاحزان
وان الكداب يروح النار والحرامي انسان غدار
بيسرق مال غيره ومسيره يكون وراء القضبان
والشتام طفل وحش..... بنا مالوش مكان
وابن الأصول كالنخيل يزهو مع الايام
ونحترم الكبير ونقوم له اوام
وان الايمان عامر في القلوب وبيوت الرحمن
واسوء شي لما كنا
نصحى ونروح المدرسه
بدري وقتها كان يحلي النوم و غرام الاحلام
كان وكان وكان .......
حلمنا بسيط سعيد حلم اطفال أبرياء
و لما كبرنا عرفنا ان كل الألوان بقت سمراء
وان القمر بعيد المنال و عالي في السماء
و ان الفلوس كل حاجه في الحياه و وباء
وان الفرحه مش عيد ولبس جديد وهناء
وان البشر قلوبها قاسيه بلا شفقه و لا عطاء
وناس بتأكل من الزباله تعاني من شده الأعباء
وان المرض بقي سرطان يهدد حياه الاعزاء
عرفنا ان الكدب ينجي من فخ الاحباء
وان السرقه تزود مال الأغنياء
وان الشتيمة والبلطجة هيبه ووقار عظماء
والاصل فقير ما دام مالوش قوه ولا مال
ولا اشياء
والكبير مات بحكم السن و قله الادب والحياء
شوفت الايمان والسجود في قلوب كتيره رياء
وبيوت الرحمن خاليه من عباد رحماء
اه يا حلم الطفوله الجميل
ليه عمرك قصير ...سريع الوداع
والفراق ... ببكاء
بقيت مجرد ذكري في كتب الادباء
مجرد أبيات في سطور الشعراء
يتغنى به وترسم له لوحات
تباع وتشترى بارخص الأثمان .. للجهلاء
....fady.....
تعليقات
إرسال تعليق