عاشق
اكتبوا علي قبري هذه السطور ...
حين يغطي جسدي الرمال
رجل عاش للعشق والعشق لم يجده
العاشق اسرح بخيالي بقلب صبي
فوق القمر
واكتب عن العشق والهوى
بشغف عاشق
بقلب نابض بحنانه واماله
و عن الحب وجماله
والعشق وعذابه وهوانه
والسهر في ليالي
و سماع الأغاني عن الحب وحاله
بشغف مشتاق للغرام واحلامه بصوت حليم الحاني
و صوت نجاه ونسيمه الهادي
اعيش جلاله
وكلي شوق و آمال ... ألاقي
قلب يبادلني أحلامه
ويشاركني الحب بشوقه و خياله
و يكون لي الحلم طول العمر
برسم صورته فى قصائد اشعاري
لكن ليالي عمري طالت
و جرت سنين أيامي
واحلامي بتغيب مع شمس نهاري
وفجأة سمعت صوت بينادي خلاص
اليوم يوم ممات كلماتي
لا حب ولا احلام ولا عشق ينكتب تاني
خلاص ماتت احلامي علي أوراقي
لا وجود لها في حياتي
كانت مجرد صوره حلوه في خيالي
صوره في بيت أشعاري
وبنات افكاري
من الصعب يكون الحلم
حقيقه في ايامي
لكن مش حزين
انا افضل من كتير
وحسد الناس كان شئ جميل
يكفي ان شوفت عشقي
مرسوم في أشعاري
وفي احلامي وليالي منامي
وغيري محروم من العشق
وحتي أحلامي
اه من قسوه ألام المحروم
من العشق في زماني
عايش ميت بين خلانه
ولا حاسس بالدنيا و لا حلاوه كلامي
نصيحه من عاشق
مجرب جرح المشاعر و سهر الليالي
عيش العشق في كل شئ حواليك
في النسيم يفوح من قلب صادق لك
في قمر ينور ظلمه لياليك
في عطفك علي مسكين
وجبر خاطرة .... بمد له .....ايديك
ابتسامه لطفل يتيم .... و رجل كبير
واحترام الكل بدون تغيير
كن من الطيبين الطاهرين
في زمن المدعين
العشق مش إمرأه ولا قلبين
العشق حقيقي
ان تكون ارواحنا في السما
واحنا علي الارض عايشين
العشق الحقيقي في حب الاخرين
حتي لوكنت في زمن هاجر فيه العاشقين
كن انت العاشق الوحيد
واحلم بالعشق
وكن من الحالمين
وخلي حلمك مضيئ طاقه الهام ليك
وغيرك من الصادقين
و كل امالي في نهايه زماني
يكنتب علي قبري حقيقه ايامي
راجل عاش للعشق
والعشق لم يجده
....fady ....
تعليقات
إرسال تعليق