يا كنيسه المسيح
يا كنيسة المسيح
يا كنيسة مالك صابرة عبر السنين
رغم الالم رغم الانين
ايه القوه و الصلابه والحنين
عمرك فوق الالفين وانتي لسه
شابة متزينة بنقوش و صور
قديسين
دمهم نزيف جاري معطر بالياسمين
بحور تشفي وتداوي
جروح كل حزين
و رمادك وترابك واجساد المحروقين
بخور صاعدة للسما
حواليها زفه من ملائكه و قديسين
يغنوا الحان و تراتيل فرحانين
برؤيه رب الجنود و جمال الخلود
عايشين
ولا حروب من بشر ولا شياطين
يقدروا علي وعود رب الجنود
للمؤمنين
لما قال بكلمته الزلزال....
بتهز الوجود والكيان
ابواب الجحيم لا تقدر عليكي
يا باب السماء ولا بشر اي كان
فانتي باقيه مهما طال الزمن
صلبة زي الحديد رغم اضطهادك
بالتعذيب و الهدم و التشريد
عمرك فوق الالفين وانت زي ما انتي
شابه بعمر العشرين يا عروسه المسيح
يا متزينه بالاكاليل
... Fady ...
بقلم... فادي عبد الكريم زكي
تعليقات
إرسال تعليق