لو مت
لو مـــــت
لما الألم يصاحبني ولا إسمي
والآه تنادي السما بوجع طال بليله ... جسمي
صحبي اللي وقفت طول العمر
جنبه
حبيبي ما في يوم زعلته
قريبي وقت الشدة شلته
كان معايا و لا غاب عني
ودار... وشــه
أصل أنا...
مش حاسس إلا بيد أمي
تطبطب عليا وتقولي إن شاءلله
اللي فيك يجي يا ضنايا فيا
وعمرك يطول بعمري
بدموع بتنزل زي النار جواها
وبسمه علي وشها رسمها
تلملم بحبها جرحي
ولما الروح فرقتني و سابتني
من كان ماشي وراء نعشي
و من بكي عليا من قلبه
ومن دعي لي دعوه غاليه
و من دموعه علي قده
و من فراقي وجعه
ومن فراقي كان يوم سعده
ولا خلاص ماليش ذكري حلوه
ولا بسمه ولا قاعدة ولا لمه
كنا فيها شله
و صورتي من فيكم عاوزه
ومن فيكم منقوشه في قلبه
ومن فيكم بيده قطعها
آه يا موت آه
كشفت والله حقيقه الناس
كانوا في يوم الفرح جنبي
و يوم آلمي الكل هرب وسبني
و مالقتش غير امي
ويوم موتي الكل انشغل عني
لو كان ينفع ارجع تاني
كنت اعيش عمري وحداني
واختار بعنايه خلاني
و أنادي بصوت نفسي
مش كل صديق خليل
ولا كل حبيب جميل
ولا كل قريب اصيل
ولا اقولكم....
لو مـت محدش يفتكرني
والكل ينسي إسمي
بس بجد
هتوحشوني من قلبي
... fady ...
بقلم ... فادي عبدالكريم زكي
تعليقات
إرسال تعليق