لايفارقني الحنين
لا يفارقني الحنين
من بدايه الطفوله
أتولد حبنا الجميل
البراءة تطل علينا كل يوم
بوجهها الباسم. حنين
في لعبنا في ضحكنا تشرق
الشمس علي حبنا
تفتح عنينا علي النسيم
ولما تنام في حضننا حلمنا
يطرح نعيم
و الحروف تروح وتيجي علي اللسان
بتهته بشهد الكلام
و حبنا كبر معانا حتي صار
ولد شقي شاف معانا
معني الهوي
و معني الغرام
على صوت أصاله الاصيل
و عمرو دياب لما يغني ميال
و ياشارد الفكر ليه
وحبيبي يانور العين
بس القدر له كلمه قاضيه
علي الهوي
مع أهلنا اللي غاروا علي ودنا
حرمونا من بعضنا
و جرحوا في قلبنا
كسروا روحنا وزعوها في الهواء
ودمنا في كؤوس من الذهب
قدموها في يوم زفاف كل واحد
مننا
ليه يا قدر كنت آسي على حبنا
و غرست سهمك أووي في صدرنا
بس أقولك أنا لسه برضو بحبها
و صورتها علي مكتبي مصدر
سعاده و فرحتي
قدام عنيا طوال ما أنا حي
هنا
حتي لما قابلتها خدني الحنين
للماضي الجميل وشعرت فيها
انها لسه البنت الصغيره اللي
بضفائر كانت تسريحه شعرها
بلعب معاها و بحبها
وهي كمان وشها نور زي القمر
وخدودها أحمرت من الخجل
و عينيها تاهت في عيوني
و غرقنا سوا في بحر الهوي
بسرعه رجعنا لبيتنا و أهلنا
و أبني ناداني و قال وحشتني
و بنتي خدتني في حضنها
و نسيت ساعتها أن شوفتها
و نامت الشمس بين ضلوعي
وصحيت علي صوت الحنين
خدني من أيديا لصورتها
متعانه في الدرج القديم
لقيت البسمه على وشها
فكرتني بذكريات
فرشت طريقي بالورود و الجمال
و قلت ليها يا صباح الورد
يا وش القمر
من ساعتها لا يفارقني الحنين
كل ما ابص علي صورتها
ترجعني للطفولة بحلمها
الصافي الجميل
.. Fady ..
بقلم.. فادي عبدالكريم زكي
تعليقات
إرسال تعليق