بفـكرك
بفـكرك...
بفكرك حبي ليك يوم
ورا يوم راح يتعبك
أصلي بغير غيره
جحيم
لما تبعد عني كتير
او لغيري راح تميل
ولما تسمع رنتي و تكون
تقيل
و تشوف رسالتي و قصتي
وتعمل ضرير
و أنت عارف أني بفرح
لما أشوف بسمتك
ع الشفايف تطرح عبير
وحروف كلامك علي اللسان
تعزف نغم أرقص ، أغني
كأني عروسه بتتزف
لٱحلي أمير
ولا قصائد حضرتك
تعطي حياه ترجعني
لذكرياتي معاك
ما أجملك
يا قلب نابض بالحنان
ما أعظمك
يا عمري كان و جاي
أتحسب أول ما شوفتك
و دقت من حلاوةحنيتك
و خوفك عليا من عيون
الناس أحسن انجرح
بكلام كله عبط
حضنك هو الأمان
و السلام و المكان
حلمي فيه يكمل معاه
أزاي تفكر أني في يوم
ٱنساك أو أكرهك
و حياتي بدأت معاك
و تنتهي برضو وياك
ما أنت السند
بس بفكرك
حبي ليك حب المهاجر
للوطن
حب الطير للشجر
عشق الصوابع للوتر
يخلق نغم
حبي جحيم في الفؤاد
يشعل حنين
وكل يوم بفكرك أوعي
تغيب عني ثانيتين
أحسن أموت من طول
الزمن
الدقايق في غيابك
تفوت هوا
ولو غصب عنك خد معاك
ذكرياتي و الأمل
راح بسرعه ترجعك ليا
ياملك
انا في غيابك بتحرق
أشواقي ليك
نار بتشعل الهوي
روحي في بعدك
معذبه
أنا و الله بعشقك
بفكرك أنا بحبك
من يوم ما شوفتك حتي
لو مات الزمن
ما أنت الأمان
والسند للأ بد
.. Fady ..
بقلم... فادي عبدالكريم زكي
تعليقات
إرسال تعليق