صورتك قدامي
صورتك قدامي...
صورتك قدام عيوني
شاعر بالوحده و النسيان
وأنا زي ما أنا
و حب حياتي شفته فيك
بأبتسامه أب حنون بتعطي
من يوم غيابك دمعتي
ماليش وجود بغير
من زمن بس مكنتش شايفك
و أنت الأمل
كنت مشغول بهمومي
و خطايا عمري
و جنوني
بحب غامض ملوش معاني
بيزود يوم بعد يوم
غربتي و حرماني
رغم بسمتي المرسومه
علي جفوني
لقيت دمعتي نار
بتحرق البدن
بظنوني
تنقش حروف من ندم
علي غربتي بطعم الشجن
قافل قلبي وحاطط
أيدي علي عيوني
عملت أعمي رغم
عارفك إنك غالب
لكل وجع
و الحنان اللي بدور عليه
و السلام اللي تاه من
بين ضلوعي
هنا
لما بصيت لصورتك لقيتك
بتبص ليا أوووووي
بٱبتسامه أب حنون
وتقول أنت فين من زمن
ياحبيبي و أبني أنا
أنا
رغم بعدي
بشوفك بقلبي وروحي
رغم أيدك دايما معايا
طول الزمن
وتعطي لسه أمل
بسألك بصوت مخنوق
و دمعه حيره بهمس
بالندم
أنا ليا لسه مكان
في حضنك هنا
رغم صغفي رغم ذنبي
رغم بعدي
هو أنا لسه في قلبك
رغم كل الوجع و جروح
اللي فيك مني أنا
آه لسه في قلبي مسكنك
أنت أبني في أنتظارك
من زمن
رغم الألم والوجع
أنت عندي كل المني
فارد دراعي وحضني
ليك من زمن
أمشي معايا أنسيك ماضيك
و الذلل
هتلاقي عندي السلام
و الرجاء و الأمل
حبي حقيقي دفعت فيه
أغلي ثمن
و ذنوبي اللي بقت جبل
مسحتها في دم الحمل
أنا بحبك اوووي
عاوزني و في انتظاري
من زمن
أنت أبني أزاي اسيبك
وسط أمواج الألم
بقت رفيقه وحدتي
علي غربتك عني أنا
إنسان انا بدونك
سراب وبخار يعافر
زي طواحين الهوا
حروف علي صفحه
لا معني ليها و لا ثمن
قصيده بلا اوزان
ولا بحور تايه بقوافي
بالسواد متزينه
وجودك في دنيتي
ظل عابر علي طريق
يطلع النهار يختفي
بوجودك في دنيتي
أشكرك أبويا الحبيب
علي كل حب ليا كان
أكيد من ميلادي
لوقتنا
ابني حبيبي...
عمرك مافات
مادام لسه في عمرك ساعات
و أنت معايا بسمتي
انا سعيد بعودتك
انا سعيد بفرحتك
ابني انا
... fady ...
بقلم... فادي عبدالكريم زكي
تعليقات
إرسال تعليق