كلنا كمساريه
كلنا كمساريه
احكي للناس يا عيد عن حكايتك
بصوت عالي وبقلب حاني نسمعك
متخافش تقول الحقيقه
مفيش حد الوقتي يلحقك
انا شاب عادي من الشباب المهدور حقها
ماليش في الصياعه والقهاوي والبلطجة
أصلي الفجر طوالي واجري بسرعه علي حالي
اشعبط في القطر ده وانزل منه علي التاني
اصلي نسيت اقولكم اني بببيع سلاسل
و ميداليات من صنع ايديا وحياه الغالي
اللي ببيع بيه أعطيه لامي تصرف
اللي تصرفه و تحوش الباقي
اصلنا غلابه بس نشكر ربنا علي نعمته
فجأة وانا في قطر جه الكمسري
قاللي فين اجرتك
قلت له انا بجري علي رزقي
ولسه بقول يا هادي
مفيش معايا فلوس ادفعلك يا غالي
صرخ في وشي و قال القطر ده مش سويقه
ده اللي بيركبه الغني و القادر واللي معهوش
فلوس مايركبوش
انزل اوام من القطر يا فقران
بكي الغلام علي فقره وعلي زمان.
الشريف اللي بيجري علي رزقه يتهان
والغلبان والمسكين الضعيف ينداس
والصايع والبلطجي و الحرامي وابن الاكابر
يتشال
والناس اللي حواليا سامعين وشايفين
والسعاده و الابتسامه علي وشهم رسمين
وبموبايلاتهم بيصوروا غلب الفقير
وصوت الضحك عالي
وسهمه في قلبي غاير
ينفع نعاير الفقير
ينفع نضحك علي الحزين
ينفع نشمت في الغلبان
اخر كلمه قالها عيد السعيد
قبل ما ينط من القطر وينداس
ان الناس كلها بتشحت في الدنيا ديه
الكل كمساريه باشكال واصناف مخفيه
الكل كمساريه بوشوش مطليه بالوان مطفيه
الكل كمساريه بقلوب ، وعقول حجريه
الكل كمساريه بالسلبيه وأفكار ماديه
الكل كمساريه لما تنعدم الإنسانية
الكل كمساريه لما تنعدم الإنسانية
وداعا لزيف الوجوه علي ارض الظلام
الرحمه فيها بخار
والحب فيها مجرد تسليه و هزار
ده ساقيه بتدور علينا
والارض بور حوالينا
الدور النهار ده علينا
و بكره علي اهالينا .
..... fady.....
تعليقات
إرسال تعليق