تاريخ ميلادي
تاريخ ميلادي
تاريخ ميلادي ايام
و شهور
وسنين
مكتوبة في البطاقه
معرفش مين عرفه
ومين حفظه ومين حبه
تاريخ محفور بين السطور
بأيام العذاب والخداع عشت فيها
وشهور الحزن بهمومها
و الاسئ بدموعها
وسنين الهم تحاربنا ، و تجري حوالينا
وسنين الهم تحاربنا ، و تجري حوالينا
بكأس العذاب بتسقينا
حلمت فيها .....؟!
بالهوي ، والهنا و السعادة ، وايام الصبا
والحبيبه الرقيقه ،العطوفه،الساهره ، الساحره.
والربيع والنسيم والزهور والنجوم وصوت ام كلثوم .
والصداقة والمحبه والتسامح والعطاء و السلام والحنان والأمان و..................
لقيتني صحيت علي اوهامي
علي ابواب مقفوله وحيطان مسدودة
ونفوس مهجورة
ونفوس مهجورة
محبه المال والطمع كل ما ليها
والخير نزوه بتغريها والكبرياء صفه العظماء
والبلطجة شهامه والعنف قوه والسرقه حرفنه وشطاره
والنفاق والرياء لباقه
والكذب و الخداع ذكاء
وشوش متلونه زي الحربايه
بالف لون و لون
حسب الزمان ...... حسب المكان
وحسب الشخص اللي بيكلم معاه
وشوش في بيوت العباده ساجده
وبصوت الأجراس حبه
و في بيوت الرزيله
عابده
وعن الله باعده
وعن الله باعده
كل عايش في أكذوبة كبيره هي الحياه
كل فيها خداع
كل فيها دجال
يلعب بالبيضه والحجر
يلعب بالبيضه والحجر
يخبي في كمه الحمامه والتعبان
الحمامه تخرج عند المحبه و السلام
التعبان وقت الكراهية والانتقام
هي دي الحياه زي بخار
يظهر قليل ثم ينهار
زي العمر تمام
بلاش كثر الكلام وفلسفه صبيان
مهما طال العمر ومر بيك الزمان
تحت التراب هتنام لوحدك ياغلبان
ولا ينفع مال ولا جاه
ولا زوجه ولا عيال
و لا الف متعه في عالم الأوهام
كل فيها غريب ، كل فيها عريان
وفي النهايه
اكتبوا علي قبري هي دي معني الحياه
.....Fady......
تعليقات
إرسال تعليق