ال آه
ال آه
آه صرخه نجاه
بتخفف شجن أنسان
لما تخرج بيخرج معاها كلام
يعطي سلام وأمان
تخرج من القلب تهدم جبال
ال أه نار ولا نار بركان
تحرق الوجع و تدوب الأحزان
آه بطعم المرار
لما تخرج من مريض غلبان
علي فراش المرض غضبان
من الالم و قسوه الزمان
آه بعتاب
بينك وبين انسان
جرحك وجاي يضمد الأحزان
تخرج مع الدموع بعتاب زعلان
آه كلمه حنان
وانا بقابل صديق زمان
بعد شوقه وأنتظار ... اخده بالأحضان
وبيها نتذكر اللي كان واللي كان
آه لما الحب
يدق الباب بهمسات كروان
مع تنهيدة عميقة تهز اللسان
ترعش الأوتار كصوت كمان
آه ..
تخرج من تايب تهز أركان الكيان
لما يرجع ساجد باكي ندمان
وقلبه كل خشوع وإيمان
عشمان في رحمه الرحمن
آه
.... Fady ....
بقلم. فادي عبدالكريم زكي
تعليقات
إرسال تعليق