دايما بتوحشيني
دايماً بتوحشيني
و أنتي معايا كتير
شيء عجيب مالوش تفسير
كل مره بشوفك فيها أتولد من جديد
طيفك يضئ كل يوم بلون فريد
صوتك يغني بصوت كروان سعيد
وردك النادي يفوح عبير
نهرك الجاري بين أحضاني حرير
قمرك الفتان سهران في سما عيد
قصه غرامك في اشواقي نار بتزيد
أنتي ملاك ولا بشر
قولي بلاش أسرار
حقيقه ولا خيال
أنا مخلوقه علشان خاطر عينيكِ
انا بحس بحلاوه الدنيا بيك
أنا عايشه علشان أرضيك
روحي ترجع
لما اشوف ضحكتك
والسعاده تملأ دنيتك
أنا بعشق كل حاجه فيك
فرحتك، حنيتك وقت غضبك شدتك
سر جمالي ورقتي هو لمستك
سر إنبهاري بغرامك ... كلمتك
لما ترقص في أشعار محبتك
بوحشك آه بوحشك
علشان أنا كمان بعشقك
في كل مره اشوف ضحكتك
أحس حياتي في عشرتك
شيء مستحيل يتحكي
صدقني لو قلت لك...
وحشِتك وأنت معايا اكتر من غربتك
في غربتك تكون معايا بصوره محبتك
و خيالي يملأ فراغي بوحدتك
وفي جودك مستحيل أشبع من حنيتك
آه من كلامك ورقتك يا ملاكي وجنتي
بتوحشيني وانتي معايا اكتر كتير
من بعادك و غربتك
... Fady...
بقلم.. فادي عبدالكريم زكي
تعليقات
إرسال تعليق