ليه بحبك
ليه بحبك
زي نسمه ربيع ترفرف بالحنين
في ليل بديع انتي فيه
و طير جميل يغني بصوت حليم
لما يشدو بغنوته
عن سعادة الحبيبه بضحكته
وضحكتها علي شفايفها منورين
تغزل من شمس توب حرير
للحبيب العاشق كلامها
بحروف تحرك
فيه احاسيس كتير
الطفوله و الشباب بشقاوه
و الرجوله لما تكوني محتاجه الرعايه
لمعه عينيها بضوء القمر
سهران معانا خليل وقت جميل
يفوت سريع
بلا ملل ولا انين
اصل حبيبتي سما ونعيم
بحضنها دفء السنين
و شعرها كحيل بلون سواد الليل
يرفرف علي الخدود بجناح طويل
يلامس القلوب قبل ماتشوفه العين
حبيبتي حصان عربي أصيل
بزهوته و جمال خطوته
ولا تهزها رياح و لا سهام جبان
وقفه زي الجبل سند ولا الرجال
معايا في كل الازمان
وقت الشدائد حمال
بحب فيكي صدق المشاعر والحنان
وحبك الكبير.... يلهب فؤادي نار
من اشواق الغرام
عرفتي ليه بحبك كتير ياحب غالي
ملوش بديل
ملوش مثيل
.... Fady ....
بقلم... فادي عبد الكريم زكي
تعليقات
إرسال تعليق