دوامة الحياة
دوامة الحياة
الناس فيها تايهين
بين يأس وانكسار و كأس المرار شاربين
من ناس قلوبها حجر تحتها مطحونين
لا نملك الهروب من سجن
المظلومين
ولا نملك نقول الــ آه بصرخه
مقهورين
حبيسه جوه الضلوع بتمزق شرايين
ولا قوه فينا نضارب رياح ظالمين
عايشين بنبض نحيل خارج من قلب حزين
اليوم بيومه عايشين
ولانعرف بكره ... مخبي ... ايه آنين
بظروف قاسيه علينا سيوفها مسنونين
بجروح تجرح فينا ودمنا بيسيل
لحد امتى ياسنين جنبنا السواقي و أحنا عطشانين
محرومين ، ضايعين
علي، هامش الحياه منسيين
وجودنا زي العدم
عايشين كل المواسم
بخار في نهار صيف
زي أوراق الشجر ساقطه في الخريف
بس الخريف غاب وأحنا مشتاقين
يخفف علينا و يشفي المجروحين
تحت التراب يداوينا بحضنه نستريح
وينتهي الصراع مع دوامه الحياه
و الضحكه ساعتها تعلي
من قلوبنا تصيح
علي أكذوبة البخار أسمها الحياه
لما الموت أخدنا في غفله من الزمان
وهناك عند إلهنا نكون فرحانين
لما يعوضنا خير عن ظلم السنين
وعـن الجروح أكاليل
وعن قساوه الحياه فيض من السعاده تفوق الخيال
وأحلام الحالمين
وما تراه العين و خاطر الحنين
بس الخريف غاب واحنا مشتاقين
... Fady ...
بقلم ... فادي عبد الكريم زكي
تعليقات
إرسال تعليق