اسفة ياقلبي انا السبب
اسفة ياقلبي انا السبب
بدأت ادور علي طيفك
بجنون وشوق علشان اشوفك
في كل مكان كنت فيه بسحرك
اروح علشان اشم نسيم عطرك
ومع كل واحد يجيب سيرتك
اجري وراه علشان اشبع منك
بس برضو ليلي بيطول ببعدك
حيرانه حزينة من ظلمك
مسكت ريشه علشان ارسم صورتك لاقيت ايدي بسرعه ريح رسمت
شكلك وهمسك و خفه دمك
والعجيبه كانها انت بس ناقصه نبضك
بروحك و شغفك
باحساس ورعشه وشوق ورغبة
حاولت اضمها بين أحضاني بلهفة
لــ أحس بيك و بنفسك
اختفت صورتك لما قربتها مني
روحي انسحبت من كياني
و نبضي توقف في
و انطفي نور عيني
أوعي تكون زعلان لسه يا حته
مني
زعلك علي راسي وحقك عليا
كفايه فراق وكتر اسيه
انا متعودة منك علي الحنيه
فاكر كلامك ليا لما بوحشك
ولا اشعارك مكتوبة بحنين همسك
عليا
وكذبك لما تقولي بكرهك
لما ابعد ثواني عن حضنك
انا بعشقك
هو انا خلاص بقيت ايه عندك
كل دي علشان غيبت عنك
اعطيني فرصه تانيه وحياتي عندك
اكون خدامه لحبك وقلبك
و ابات و أنام طول العمر في حضنك
وصورتي عمري ما تفارق صورتك
وكلامي كله يكون عنك
وحياتي وسعادتي في ضحكتك
ارحمني مش قادرة اعيش مع غربتك
فاتت ساعات ولا كانها سنة
في كل يوم غيابك انا بعشقك
بلاش وكفايه زعل انا حاسه بالندم
اسفة ياقلبي وحقك عليا
انا السبب بوعدك
اكون زي زمان ضحكتك
وعمري ما يجي يوم ازعلك
انا بوعدك
... Fady ...
بقلم... فادي عبد الكريم زكي
تعليقات
إرسال تعليق