انا فلسطيني مالي وطن
يقول رب الجنود .......
عايش أنا وأختي الصغيرة
انا فلسطيني مالي وطن
علموني في المدارس أن الوطن
بيت كبير يسعنا كلنا
علموني أن أقف انتباه أمام
العلم وانا بغني نشيد الوطن
علموني أن الموت فدي الوطن
شرف
و العرب أيد واحدة
ما تنكسر وقت الشدة سند
جبل
وان البشرية للإنسانية حاضرة
هنا
علموني ....
و علموني ...
و علموني .....
دي أرضنا نموت وأحنا بنحميها
بدمنا
حتي زميلي في المدرسه مات
هنا
بس لوحدي أنا ..مالي وطن
و لا بيت و لا سكن
سحر في خيمه من قماش
مش بيت من حجر
يحمينا من الرصاص
و برد الشتاء
بعد ما أبويا مات وهو بيحارب
العدو
و أمي ماتت بعده بسنه وهي
بتشحت الأكل من جار كان هنا
حتي العرب كلامهم حلو
أوووووي علي الورق
في النصايح شطار اوووووي
وعند الخطر بتطير في الهواء
و أصحاب الأصوات الحنجريه اللي تنادي بالإنسانية
مش هنا
طارت معاهم في الهواء
حتي العلم متقطع حتت
من الرصاص وظلم الزمن
بس أنا مالي وطن
موت بلا كفن
صوت المدافع والرصاص
بيخوفني ويخوف أختي سحر
تصرخ وتقول أمي إلحقيني ضميني خايفه أوي
وأنا برضو ساكت بس خايف
عاوز أبويا ما هو السند
صوت المدافع والرصاص زاد
أوووووي
والناس بتجري حوالينا
و دمها غرق الهدوم و الغطا
والخيمه بتتحرق و إحنا تحتها
في خطر
بصوت عالي غطي على
صوت المدافع والرصاص
ناديت عليها
سحر .... سحر
والدموع بتصرخ من شده
الوجع
ماتت سحر في حضني
هنا... بلا امل
بعيون حلوه زي القمر
ودمها يفوح عبير مغرق هدوم
المدرسه
بصيت لفوق لقيتها طايرة
للسما
فرحانه اوووي
وقالت ليا...
بقي ليا وطن ... ليا وطن
... Fady ...
بقلم .. فادى عبدالكريم زكي
😭😭😭😭😭يسلم لسانك ربنا يلطف بعبيده و يرحم الاطفال
ردحذفشكرا جزيلا ربنا معاهم
حذف