تنساني انا
تنساني أنا
أنا أتنسي
ذكرياتي
أنتي أيه...
أقول كمان
أنا أتنسي
هو ممكن حبي
يتنسي
هو ممكن....
القمر فوق في السما راح
يختفى
البحور في الأرض تتبخر في
الهوا
الطيور تبطل زقزقه علي الشجر
هو ممكن تصحى في يوم ماتلقاش
بشر
دا أستحاله أنا أنا اتنسي
مش كبرياء و لا كرامه مني
أنا
دي نظرة عينك تخليني
ملكه سبأ
وجودك جنبي بيظهر جمالي
ولا القمر
عمري ٱتحسب من يوم ما عرفتك
يا ملك
بص لي هو كلامي غريب عنك
أووووي
طب أسأل قلبك هو يقولك
حقيقه ضحكتي
و لا أقولك هات أيدك وأسمع
نبضتي
عنواني لسه فاكره ولا اتنسي رقم موبايلي لسه معاك
و لا أتمسح من زمن
هي معاك كمان ممكن تتوه
مننا
كفاك بعاد أرجع أوام
في قلبي هنا
بس جاوبني...
ليه تنساني أنا ؟!
هو الحب يتشري
بكام علشان أدفع التمن
و لا الاهتمام بعد الطلب
مش مجامله في الهوا
ولا الغياب بدون سبب
مش برضو قله أدب
واللف و الدوران في كلام
تسميه أيه إنتصار
ولا عبط
ولا... كفايه عليك كده
ما أنا قلت كلام كتير
ماتسمع
و لا اقولك اقول كمان
الحب هو أهتمام
و صدق حرفك هو الحياه
والأمانه و الطاعه سر
جمال
كنت بحب
فيكي كلمه حاضر
لما تتقال بصدق المساعر
تجري فيا تسقي
الوجدان حنان
و لا أهتمامك بيا و بشعري
لما يتغني بلسانك كان زلزال
يهز الكيان
عمري ما شكيت فيك لحظه
ولو غبت عنك زمن
بس الوقتي أنتي ليا
ماضي أستحاله و مستحيل
انساه
بس الحاضر والمستقبل دا في
علم الله
أقولك كمان...
كل شيء ممكن يتنسي
ماعدا الألم لما يجي من أيد
أتربت في حضني هنا
عرفتي ليه ممكن أنسي
و صمتي يغلب الكلام
القساوه و الغياب بتقطع
حبل الوداد
المحبه مش كلام في الهوا
المحبه أهتمام
يتسقي منها الهنا
يوم بعد يوم تبقي شجر
يعطي ثمر بطعم العسل
يشبعنا طول الحياه
عرفتي ليه أتنسيتى من زمن
أنتي السبب مش أنا
.. Fady ..
بقلم.. فادي عبدالكريم زكي
تعليقات
إرسال تعليق