الريش
الريش
زي، باقي الناس الفرافيش
فقيره صحيح بس بعيش
مع جوزي وعيالي ماليش
غير حلم بسيط
يكون ليا رغيف عيش
يشبع جوعنا احنا الدراويش
أيوا صحيح جوزي معندوش
و لا مال ولا حب ولا أحاسيس
حتي رزقه مافيش
قاسي شويه بس أمان زي حيطان
البيت وسقف عريش
تحته نعيش
بس كفاية بحسه البيت عمران
أيوا تمام
معندوش مال ولا جاه بس أمان
أعمل إيه لما يكون جوزي فرخه بريش
بعد ماكان يهز كياني وكيان البيت
من الخوف و التهديد والتهويش
قالوا دي خيال فنان وفيلم يسئ
للاوطان ودي تشويش
علي ايه .... هما فاهمين التهميش
انه خيال ولا واقع مؤلم في حياه
مش عارفين الفقير معندوش
الا صرخه جوع ودموع أحزان
ليه مستكتر عليا اقول الاه
ليه مستهتر ان ادبح جوزي للعيال
ما هو خلاص بقي بفرخه بريش
وانا معنديش الا آخر رغيف عيش
إسيبهم للجوع و الموت
بلاش تفتيش
في النيات أحنا الدراويش
فُُـقرى صحيح بس عند وطني
نموت مانعيش
حتي ولادنا نقدمهم لبلدنا مش بقشيش
بس خليني جنب جناحك أعيش
.... Fady ....
بقلم .... فادي عبدالكريم زكي
تعليقات
إرسال تعليق