شيرين
شيرين
ليه الحزن جواكي بصوت مكتوم
والدموع علي خدك بحور
ليه الحيره والحسرة علي المجهول
و ليه حياتك ارض بور
تعرفي ان حياتنا ساقيه بتدور
احنا فيها عميان حطين ايدينا علي عينينا لحجب النور
و غابه من وحوش ونمور
تتخفي في شكل نعام
لخطف حلمنا فى المنام
قبل ما يتولد يموتوه مقهور
الغريب اننا عايشين برغم الانين
رسمين الفرحه والضحكه غنوه
و احنا منها محرومين
محتاجين قلوب طيبين
يكونوا قادرين يفهموا معني الحنين
مش بشر زي النسور في لحمنا طمعانين
برغم انه نحيل خاوي من نعيم الحرير
العيب فينا ولا في مين
حلقه شعرك تعمل ايه
تكشف عوره الكاذبين
ولا غباء المدعين
ولا حقد الحاقدين
الشرف والفضيله تعمل ايه ولا ايه
مع ناس بالف وش بينا عايشين
عملنا لهم المستحيل بس مين
يجبر بخاطر مجروحين
ضهرنا لهم جسور
واصبحوا لينا قبور
يدفنوا كل شيئ فينا جميل
المشاعر و الجمال و الحب الكبير
ياشيرين ......
كوني قويه بقوه الجبال
زي غناكِ لما يهز الكيان
و غني بأعلى صوت
وخلي حزنك جواكي يموت
واضربي بيدك رياح الحياه
وعيشي بكره بشموخ الفرسان
وحب الناس يكون علي راسك تيجان
وانسي اللي كان مهما كان
وخلي عينيكِ علي بكره والنهار
تعليقات
إرسال تعليق