انا في انتطارك
انا في انتظارك
حبيبي طال الغياب فهل من جواب
يخفف عليا السهر و العذاب
فالفراق بلا اعذار جرح للاحباب
فــ انا في انتظار عودتك بشوق ولهفة
بدون كلام و لا عتاب
صابر ازاي علي الفراق يا ضي عينيه
بتقسي كده كتير عليا وطبعك الحنيه
فيها ايه لما ادلع عليك
او اعاند مشاعري و اغيب شوية
ما انت عارف انت ايه ليا
ولا اقولك احسن تكون نسيت يا
قلبي ونور عينيه
فاكر ببعادك عني مستريحه
دا انا الثواني و الدقائق بتفوت
في بعادك .. علي سنه
و الدموع تجرح خدودي لما افتكر
وانا في حضنك قمر
ولمسه ايدك علي ضفايري كانك
بتعزف علي الوتر
وشفايفك لما تحضن شفايفي
بتجيب عسل
وايدك في ايديا شركه محبه
للابد
ولما احكيلك مشاكلي وهمومي
بتطبطب عليا وتخفف الالم
بكلامك الهنا
وجنوني و ظنوني تضحك بصوت عالي
عليا وتقولي ياغبيه اكبري شوية
فاكر ساعتك اللي في ايدي هديتك
بتفكرني بالوقت الجميل اللي كان معاك
بيمر في غفله من الزمن
واشعارك المكتوبة ليا بقرأها تاني
في كل ليله أقضيها وانت معايا
من زمن
بتفكرني بمحبتك
و أشم فيها نسمتك
لما كنت فيها فكرتك
انا بعشقك
انا في انتظار عودتك مها طال بي
الزمن
و سامحني علي عنادي او سميه دلع
كفايه عذاب ياملك
فؤادي من فراقك هلك
انا بعشقك
أنا في انتظارك ... يا فرحتي
اخدك في حضني للابد
... Fady ...
بقلم.. فادي عبد الكريم زكي
تعليقات
إرسال تعليق