خبي جراحك
خبي جراحك
خبي جراحك و الدموع
أوعاك يا ولدي تبان مهزوم
اثبت مكانك زي الجبل همام
و دوس علي الاحزان قوام
شوفت في يوم نخيل مطاطي
قدام ريح خايف جبان
من الايام
ارفع راسك لفوق وامسك بالزمام
ولاتخشي من القليل
و لا الخسيس
و لا كتر الكلام
ولا تمد أيدك بالسلف مهما كنت
جعان
الاصيل يموت من الجوع ولا
يطلب من الخسيس المال
ولا يأكل لقمه حرام
وكن راجل لكل الناس خدوم
سداد و لو عدوك احتاج
اعطيه و بلاش عتاب
ولا لوم الناس
يا ولدي لــ أهلك خليك سند
مقدام
وضهر وحيطان
ونعم الرجال
هو السيد لما يكون لغيره خدام
و أوعاك يا ولدي من النسوان
الشمال زي ما كانت ليكِ
تكون لغيرك مداس تحت القدم
تنداس
بالخراب و العذاب
تجعل من ايامك مرار
تشربه ايام وايام
ولما تكون مجروح ومتعذب
من الحياة و خيانه الاحباب
اقفل بابك علي نفسك
وابكي بحرقة ونار
واصرخ من الوجع جواك
ولما تشوفهم اضحك وجلجل
بالكلام
ضحكتك تكسر فرحتهم اوام
و يموتوا لما سعادة علي وشك
فدان
يا ولدي خلي كلامي ليك
يعيش اجيال وا جيال وقوله
لاولادك واحفادك كمان
عمر الجرح مايهزم رجال
طوال ما هو جواك مستور
ما يبان
والسعادة مرسومه علي وشك
كمان
و السكات وقله الكلام
هو عنوان الرجال
... Fady ...
بقلم.. فادي عبد الكريم زكي
تعليقات
إرسال تعليق