شارد الفكر ليه
شارد الفكر ليه
الحب خلاك شارد الفكر
ليه
بعد ماكنت بتفوح عبير
كاتب عن الحب
اشعار تتغني وتتقال مواويل
تجبر بخاطر مجروح من
الحب أسير
طيب.. ليه
تايه مكسور الفؤاد حزين
و شمس عمرك غاب منها الحنين
يا صديقي الغالي الأمين
عمري ماكان الحب زارع آنين
الحب الحقيقي لما يروي الشوك يطرح ياسمين
يخلي مياه البحر سلسبيل
تروي العاشقين
والقمر سهران ما ينام الليل
يكتب قصائد تجبر
بخاطر المحرومين
عن حبيبه
تزرع البسمة علي وجه حبيبها
بساتين
حبها زي النخيل يطرح حلاوه
وشهد يداوي عذاب المجروحين
وفكرك معاها و ف غيابها
محفوظ امين
ولما تكون شارد الفكر تعبان
اول حد يجي ببالك
هو الحب والحنين
مش اوهام ولا ضلال
تجعل من يومك حزين
الحب هو الامان و الاهتمام
مش ذهن شارد
يجرح ويجلد الفكر
بنار من الاحزان
خليك يا صديق واعي
حاطط لذهنك ميزان
الحب هو الوعي بالحياة
و الخيال
هو فكر شارد بالرحيل
وعجبي علي كل حبيب في
حبه عايش هيمان
شارد الفكر بعد ما كان عالي
الجبين
... Fady ...
بقلم... فادي عبدالكريم زكي
تعليقات
إرسال تعليق