سرقت قلبي
سرقت قلبي
و روحي كمان عاوزاك تبقي جنبي
هنا
وعيوني خصمت المنام
في إنتظار عودتك
وحلمي غاب عن المكان لغربتك
و فكري شارد بالخيال
لقسوتك
والدموع بقت صحبتي تخفف
عليا بعادك و رحيل غربتك
والقصائد اللي كتبتها
بتفكرني بيك كلي مشتاق ليك
يا حب عمري وحياتي
أنت القدر
بس أنت بجد
جرحتني لما مشيت فجأة
و سبتني
حبيبتي ..
كل دا علشان سيبتك ساعات
كل دي .. آهات
ما إنتي عارفه أكيد السبب
ساعات؟!!!!
أنت .. مستهون ليه كده
بطول البعاد
الثواني ..فراق بين الاحبه
عذاب
السما بدون القمر ظلام
بيذكرني بيك
كتير حلو و كتير بعيد
و الارض بدون حبيبي ماتتعاش
أنت عارف أنت إيه ... ليا
ولا أقولك...
السما لو انت مش فيها جحيم
و الثواني ف غيابك سنه
و اليوم من غير رؤيتك
بالف الف مليون سنه
أنت بسمتي والهنا
و فرحتي بتتقاس بقربك هنا
وعمري يزيد في كل مرة أشوفك
قدام عيني قمر
و روحي ترجع في جسمي
لما
إيدك تلمس مشاعري بسحرها
زي العمل
و....
بحس بنبض قلبي راح يفضح
سرنا
وعاوز ينادي ويقول لكل
البشر حبي هنا
حبي هنا
....
آه من كلامك و حنانك كله
هنا
أسف حبيبتي غصب عني
مش راح أسيبك
لو حتي برهه
من الزمن
إنتي حياتي كلها
يوم ميلادي يوم لقاكي
و يوم البعاد ما بحسبوش
من عمرنا
أصل أنا بحبك كمان أوووي
وقلبي إنتي برضوه سرقتيه واللي بين ضلوعي قلبك
عايش بيه من زمن
من يوم ما شوفتك بجمال
القمر
بكلام يفوح عبير
وعيون بسواد الليل
وحنان و دفء كتير
صدقيني...
أنا بحبك أوي ياسرقه قلبي
قبل ماشوفك
من زمن
... Fady...
بقلم ... فادي عبدالكريم زكي
تعليقات
إرسال تعليق