فات العمر
فات العمر
فات من العمر كتير
و أحنا زي ما احنا عايشين
بحلوها ومرها شاكرين
من يوم ميلادنا
فرحه حياتنا صغيرة
علي الصوابع بنعدها
كنا نقول وقتها
سحابة صيف مش راح
في يوم تهزنا
أتقابلنا فيها
مع ناس كتير
الغلبه فيهم شياطين
وفي جرحنا شاطرين
أووووي
الوجع منهم نار جحيم
بس منهم طيبين
في جرحنا بلسم دوا
في كلامهم حنينين
وضهرهم حصن امين
بس أحنا في طريقنا ماشين
لا نبص ورا ولا نبص يمين
نحو هدفنا عاشقين
بس ياما أحنا شوفنا
من حبايبنا
ياما شوفنا كدابين
ياما شوفنا خاينين
ياما شوفنا منهم كتير
و ياما شوفنا خير كتير من
عدونا
بقوا صدفه أصحاب لنا
و ياما كنا في يوم ما كنا
و ياما بكره أحلي يومنا
يجي ينسينا همومنا
و يمسح بأيده دموعنا
عمرنا علي الارض قصه
مهما طالت مهما غابت مهما كانت
هي فكره
أنت بطلها
ساقيه دايره تروي غيرك
ميه صافيه
و أنت مش لاقي بوق ميه
ترمي ضحكه ترمي بهجه
ولو فيك ألف حسره
و دموعك علي الخد نازله
لابد ترقص لابد تفرح
حتي لو كان قلبك بينزف
دي رسالتك من ميلادك
حتي مماتك
لابد تعطي السعاده
لو بتبكي
من بدايه الحكاية
يجي بكره تبقي ذكري
صوره حلوه علي حيطه عاليه
فيها بسمه و في عينك لمعه دمعه
مع
صدي صوت بيعلي كل شويه
لما يقولوا بنبره مره
لأول مره سامعها
الله يرحمك كنت لينا أحلي فرحه
قلبنا كان شايفها
.. Fady ..
بقلم.. فادي عبدالكريم زكي
تعليقات
إرسال تعليق