سألت قلبي
سألت قلبي
هو ممكن تحب تاني
بعد حبك الأولاني
ولا أكتفيت من الألم
و السهر طول الليالي
أزاي تسألني يا صديق و أنت
بقلبي عالم مجيب
هو ممكن ٱعيش حياتي
وحداني
دي أستحاله
الحب هو النفس
و الشبع و شريكي الحاني
الحب
معه تهون السنين
بمرها و حزنها راح تلين
الحب
سند أسند راسي عليه
واشكي همي الاقي فيه
الراحه و الحنين
الحب
قوه وقت الصعاب
حمال شيال جبال
الحب
هو الشعر لما يتغني
علي لسان حليم
الحب
هو القمر اللي يواسى
قلبين في حبهم عشقين
الحب هو....
كفايه ... يا حبيب
كفايه كلام كتير انت نسيت
جرحك القديم
و دموعك علي خدك بقيت
سبيل
عبره و مثل لكل عابر من الحب
حزين
انت مش راح تعقل
وتوب يا كبير
يكفيك اللي صابك
من حبك القديم
لا يا صديق....
حبي القديم .. قديم مكنش حب
سليم
كان انبهار من انثي غاويه الكلام
و المنظره باللبس و العربيه وضحكه
عاليه منوره
و انا كنت عندها...
زي ماكانت بتقولي زمان
قيمه و قامه و مقام
يعني ياصديقي حب استغلال
طلع النهار اختفي زي الظلام
مش راح انكر
و ألف و أدور في الكلام
انا مش طبعي اكون كداب
اتخدعت فيها اه
حبتها أوووي ٱة
جرحتني جامد اه و اه
كمان
بس علي أد حبي وطيبتي
ربك حنان
بعت ليا اجمل الازهار
يفوح منها النسيم في الكلام
لما قرأت قصيده ليا
كنت كتبتها من زمان
عنوانها كان
الحب من أول نظره كان
قالت ساعتها ان قلبي دق
من الكلام
و حسيت انها مكتوبه ليا انا
مش لفلانه و علان
ومن ساعتها
اهتمامها بيا يفوق الخيال
حتي اشعاري تكتبها بيدها
وتقولي اقول و اقول عاوزه
اشبع من حروفك و كلامك يا
شاعري الهمام
عاوزه اكون في كل قصيده
نكتبها عن الغرام
عاوزك تكتب عن حبنا
طول الحياة
وانا مش ها كون لغيرك
حتي لو عليك في يوم
أ هون
و اه يا صديقي..
من حنانها و رقتها وجمالها
يفوق الخيال
عرفت ليه يا صديقي ممكن احب
من جديد
الحياه زي ما فيها زعل وخصام
فيها حب تاني بطعم شهد الزمان
يعوض عن حبي قديم خداع
كان
.. Fady ..
بقلم.. فادي عبدالكريم زكي 
تعليقات
إرسال تعليق